Hundar greinast með iPhone

Senn geta öll öpp greint dýr, afrek sem ætla má ...
Senn geta öll öpp greint dýr, afrek sem ætla má að hafi tekið heilt rannsóknarteymi fimm ár. AFP

Hundar og kettir eru meðal þess sem vökul augu iPhone-myndavélarinnar munu kunna að bera kennsl á, eftir uppfærslu á stýrikerfi símanna, iOS 13, sem von er á í haust.

Forritið VNAnimalDetector er að finna í stýrikerfinu og mun það geta staðsett dýrin á myndum. Það er ekki ætlað almenningi heldur forriturum sem geta byggt það inn í eigin forrit. Apple er langt í frá fyrst fyrirtækja til að hanna gæludýraskanna, en sái nýi er þó ólíkur flestum að því leyti að hann mun standa forriturum, sem vilja nýta hann í eigin forrit og öpp fyrir Apple-vörur, til boða frítt.

VNAnimalDetector er hluti af Vision-skilunum (API), en upplýsingar um hann er að finna á heimasíðu Apple. Meðal annarra nýjunga sem Vision býður upp á, er möguleikinn á að finna út hvort tvær myndir eru svipaðar, betri andlitsgreining, og möguleikinn á að bera kennsl á ýmsa hluti sem þó eru hvorki mennsk andlit né gæludýr.

Þessi eiginleikar munu til að mynda nýtast í leitarvél innbyggða myndaforritsins í iPhone, sem heitir einfaldlega Photos, þannig að auðveldara verður að fletta upp myndum, sem teknar hafa verið á símann, af tilteknum fyrirbærum. 

Úr kynningu Apple, WWDC, fyrr í mánuðinum.
Úr kynningu Apple, WWDC, fyrr í mánuðinum. Skjáskot/Apple
mbl.is

Bloggað um fréttina

Byggingaverktakar - Byggingastjórn - Meistarar - Eignaskiptayfirlýsingar
Byggingaverktakr - Byggingastjórn - Húsasmíðameistari - Eignaskiptayfirlýsingar ...
Eldhússtólar
Til sölu 6 stk eldhússtólar,hvítir á stálfótum Vel útlítandi..Verð kr 2500 stk....
Útsala!!! Kommóða ofl.
Til sölu kommóða 3 skúffú,ljós viðarlit..lítur mjög vel út.. Verð kr 2000. Einn...
Hvaða efni er í Hornstrandabókunum?
Dæmi: Viðtal Stefáns Jónssonar við Alexander Einarsson frá Dynjanda Viðamikið ...