Geta netárásir fellt fyrirtæki? — Beint streymi

Í dag fer fram morgunfundur á vegum samgöngu- og sveitarstjórnarráðuneytisins og Samtaka atvinnulífsins um netárásir á fyrirtæki og stofnanir undir yfirskriftinni Geta netárásir fellt fyrirtæki?

Á fundinum, sem fram fer á Grand Hótel á milli kl. 8:30 og 10:00, verður meðal annars fjallað um reynslu norska stórfyrirtækisins Norsk Hydro af alvarlegri netárás, en fundurinn er haldinn í tilefni af evrópska netöryggismánuðinum, sem er núna í október.

Dagskrá fundarins, sem fylgjast má með í beinu streymi hér að neðan, er svona:

Halvor Molland, framkvæmdastjóri upplýsingamála hjá norska stórfyrirtækinu Norsk Hydro, mun segja frá alvarlegri netárás á fyrirtækið og lærdómi sem draga megi af henni.

Nils Kalstad, deildarstjóri upplýsingaöryggis- og fjarskiptadeildar Norska tækniháskólans, NTNU, mun fjalla um samvinnu um netöryggi á milli háskóla, yfirvalda og atvinnulífsinsogmiðstöð sem sett hefur verið upp til að æfa varnir gegn árásum á stofnanir og fyrirtæki.

Loks munu Hákon L. Åkerlund og Ægir Þórðarson öryggissérfræðingar frá Landsbankanum fjalla um leiðir til að halda vöku sinni varðandi netógnir framtíðar.

Fundarstjóri er Ragnhildur Hjaltadóttir, ráðuneytisstjóri

• Blogga um frétt