Notendur Samsung Galaxy-snjallsíma víða um heim, líka hér á Íslandi, fengu dularfulla tilkynningu frá Find My Mobile-forriti símans í nótt.
Nokkrir Samsung-eigendur sem starfa hér hjá Árvakri fengu slíka tilkynningu í símann sinn í nótt en við þeim á skjánum blasti einfaldlega tilkynning á skjánum sem leit svona út:
„1, 1“. Dularfullt.
Tilkynningin hvarf þegar á hana var ýtt, en eftir stóðu milljónir Samsung-notenda sem vissu ekki hvaðan á þá stóð veðrið.
Samsung hefur gefið það út að tilkynningin hafi farið óvart út í snjallsímana á meðan að prófanir stóðu yfir innanhúss hjá fyrirtækinu og segir að hún hafi engin áhrif haft á símtækin sem hana fengu.
„Samsung biðst afsökunar á óþægindum sem þetta kann að hafa valdið viðskiptavinum og mun vinna að því að tryggja að svipuð tilfelli komi ekki upp í framtíðinni,“ segir á Twitter-aðgangi Samsung í Bretlandi.
This notification was confirmed as a message sent unintentionally during internal testing and there is no effect on your device. Samsung apologises for any inconvenience this may have caused to our customers and will work to prevent similar cases from occurring in the future. ^CC
— Samsung UK (@SamsungUK) February 20, 2020