Huawei tekur fram úr Samsung
Setja bókamerki
Kínverska fjarskipta- og tæknifyrirtækið Huawei hefur tekið fram úr Samsung og er orðið það fyrirtæki sem seldi flesta snjallsíma í heiminum á öðrum ársfjórðungi í kjölfar aukinnar eftirspurnar í Kína.
Huawei seldi 55,8 milljónir símtækja á meðan Samsung seldi 53,7 milljónir og er Huawei því komið fram úr Samsung í fyrsta skipti. Annar ársfjórðungur á þessu ári er sá fyrsti í níu ár þar sem eitthvert annað fyrirtæki en Samsung eða Apple er leiðandi í þessum flokki.
Staða Huawei á vestrænum mörkuðum hefur þó versnað undanfarið þar sem nokkur lönd, þ.á m. Bretland og Bandaríkin hafa bannað 5G-búnað frá fyrirtækinu við uppbyggingu næstu kynslóðar netkerfis.
Meira en 70% símtækja voru keypt í Kína en þar hefur Samsung litla markaðshlutdeild. Í tilkynningu frá Huawei sagði að árangurinn væri merki um „framúrskarandi þrautseigju“ fyrirtækisins.
Kaup á vörum Huawei frá löndum utan Kína minnkuðu um nærri þriðjung á öðrum ársfjórðungi. Samkvæmt sérfræðingnum Mo Jia hjá fyrirtækinu Canalyst, sem er greiningaraðili fyrir tæknimarkaðinn, verður Kínamarkaður einn og sér þó ekki nóg til að halda Huawei á toppnum yfir flest seld símtæki þegar efnahagskerfi heimsins fara að taka við sér á nýjan leik.
Unnu að fullum heillindum að kaupum á TM
Ný staða uppi og óvissan meiri
Spursmál: Fyrsta stóra viðtal Katrínar
Gerir ráð fyrir 150 samningum í næstu viku
Segjast ekki vera á kaldri slóð
Á annað hundrað símtala vegna nikótínvara
Nauðgaði kærustu sinni og tók það upp