Orkuskipti í samgöngum eru forsenda þess að Ísland standi við alþjóðlegar skuldbindingar í loftslagsmálum samkvæmt Parísarsamningunum. Markmið stjórnvalda miða að því að minnka útblástur frá samgöngum á landi um 37%, miðað við árið 2018, fyrir árið 2030.

Þetta kemur fram í fréttatilkynningu en fjallað verður um þetta á ársfundi Samorku sem hefst klukkan 9 í dag, þriðjudag.

Bein útsending verður frá fundinum hér

Orku- og veitufyrirtæki landsins hafa unnið að undirbúningi orkuskipta um þó nokkurt skeið og hafa meðal annars, á vettvangi Samorku, staðið fyrir greiningum og rannsóknum til að skoða hvaða áhrif umfangsmikil orkuskipti koma til með að hafa á raforkuinnviði landsins.

Í dag kynnir Samorka niðurstöður nýrrar greiningar um orku- og aflþörf fyrir orkuskipti í samgöngum á Íslandi fyrir árið 2030. Niðurstöðurnar byggjast meðal annars á nýrri rannsókn um hleðslu rafbíla, sem gerð var með þátttöku 200 rafbílaeigenda um allt land, sem stóð yfir í heilt ár, og gefa mikilvægar upplýsingar um við hverju megi búast þegar rafbílum fjölgar til muna með tilheyrandi álagi á raforkuframleiðslu-, flutnings- og dreifikerfi landsins.

Auk þess að greina hvað þurfi til fyrir þau opinberu markmið stjórnvalda um orkuskipti í samgöngum sem felast í Parísarsamningnum var einnig skoðað hvað þyrfti til ef ákveðið væri að hætta alfarið að nota jarðefnaeldsneyti árið 2030. 

Tengdar fréttir

Loftslagsvá

Gretu Thunberg gert að mæta fyrir dóm

• Áhrif hlýnunar mest í Asíu
• Frítt í strætó fyrir viðskiptavini Krónunnar
• „Þeir hafa ekki alveg verið að standa við sitt“
• Stórt svæði orðið eldi að bráð

» Fleiri tengdar fréttir

• 2 blogg um fréttina

Bloggað um fréttina

• Ómar Ragnarsson: Leitun að hentugra landi en Íslandi til orkuskipta.
• Geir Ágústsson: Að sjá ekki skóginn fyrir trjánum