Óvissustigi vegna netárása aflýst
Tvær minniháttar árásir voru gerðar í gær, fimmtudag en báðum var afstýrt án vandamála.
AFP
Setja bókamerki
Neyðarstjórn fjarskiptageirans ákvað á fundi sínum í morgun að aflétta óvissustigi vegna hættu á R-DDoS árás sem hótað hafði verið.
Tvær minniháttar árásir voru gerðar í gær, fimmtudag en báðum var afstýrt án vandamála. Áfram verður haldið með hefðbundna vöktun en ekki þykir ástæða til þess að vera með óvissustig virkt lengur.
Þetta kemur fram á vef Póst- og fjarskiptastofnunar.
Greint var frá því á miðvikudag að netöryggissveit Íslands, CERT-IS, hefði lýst yfir óvissustigi fjarskiptageirans á Íslandi í fyrsta sinn. Ástæðan var sú að íslenskt fyrirtæki varð nýverið fyrir svokallaðri DDoS-álagsárás sem fylgt var eftir með fjárkúgunarpósti.
„Hvílir mikil leynd yfir þessu öllu“
Hernaðaraðstoð samþykkt – Vopnasendingar í vikunni
Skar höfuðleðrið af íslenskri konu
Æskuvinur Íslendings myrtur í Noregi
Tóku upp hanskann fyrir leikskólabörn
Árshátíð ríkislögreglustjóra haldin í Tékklandi
„Það þarf að vinna mikinn fjölda upp“