Bóluefni frá bandaríska framleiðandanum Moderna gegn Covid-19 hefur nærri 95% virkni samkvæmt grunnprófunum, að því er framleiðandinn hefur greint frá. Hyggst framleiðandinn sækja um tilskilin leyfi til fjöldaframleiðslu á næstu vikum. 

Mörgum spurningum er enn ósvarað þótt útlitið sé gott enn sem komið er. Um 30 þúsund manns tóku þátt í prófunum á bóluefninu; helmingur þeirra fékk tvo skammta af bóluefninu með fjögurra vikna millibili en hinn helmingurinn fékk lyfleysur.

Niðurstöður um virknina eru byggðar á fyrstu 95 sem sýndu einkenni Covid-19 en einungis fimm þeirra sem fengu bóluefnið greindust með Covid-19 en 90 þeirra sem fengu lyfleysur greindust með sjúkdóminn. Fékkst út frá því að virknin hafi verið 94,5%. BBC greinir frá. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt