Einstaklingar sem smitast af kórónuveirunni eru ólíklegir til að veikjast aftur af sjúkdómnum sem veiran veldur í að minnsta kosti sex mánuði þar á eftir.

Frá þessu greindu rannsakendur við Oxford-háskóla í dag, en niðurstöðurnar fást úr stórri rannsókn á endursmiti kórónuveirunnar.

Ekki aflað nægra gagna

David Eyre, prófessor við skólann og einn höfunda rannsóknarinnar, segir þær fela í sér mjög góðar fréttir.

„Við getum verið viss um það, að minnsta kosti til skamms tíma litið, að flestir sem sýkjast af Covid-19 muni ekki smitast aftur,“ segir hann.

Höfundarnir benda á að þeir hafi ekki enn aflað nægra gagna til að álykta um endursmit eftir þessa sex mánuði.

Bóluefni gæti verið leyft í desember

Bandaríski lyfjaframleiðandinn Pfizer og þýska líftæknifyrirtækið Bi­oNTech sóttu í gær um neyðar­heim­ild til notk­un­ar bóluefn­is­ við veirunni hjá banda­ríska lyfja­eft­ir­lit­inu.

Búist er við að heimildin verði gefin í fyrri hluta desembermánaðar. Evr­ópu­sam­bandið gæti jafn­framt samþykkt bólu­efnið, sem og bólu­efni Moderna, fyr­ir lok des­em­ber.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt