Nýliðinn nóvembermánuður var sá hlýjasti í Evrópu sem sögur fara af. Haustið hefur aldrei verið jafn hlýtt í Evrópu og það var í ár, samkvæmt gögnum frá Kópernikus, loftslagsstofnun Evrópusambandsins.

Samkvæmt Kópernikus var lofthitinn í nóvember 0,8 gráðum hærri í nóvember 2020 en meðalhitinn á 30 ára tímabili, 1981-2010, og rúmlega 0,1 gráðu hærri en fyrra met. 

Á Íslandi var tíðarfar ágætt í nóvember og samgöngur greiðar. Að tiltölu var hlýjast austanlands en að tiltölu kaldast sunnan- og vestanlands. Mjög kalt var á landinu dagana 18. til 19. Óveðrasamt var á landinu dagana 4. og 5. og aftur dagana 26. og 27.

Meðalhiti í Reykjavík í nóvember var 1,9 stig og er það 0,7 stigum yfir meðallagi áranna 1961 til 1990, en -0,7 stigum undir meðallagi síðustu tíu ára. Á Akureyri var meðalhitinn 1,0 stig, 1,4 stigum yfir meðallagi áranna 1961 til 1990, en 0,3 stigum yfir meðallagi síðustu tíu ára. Í Stykkishólmi var meðalhitinn 2,2 stig og 3,5 stig á Höfn í Hornafirði.

Sjá nánar hér

Óvenjuhlýtt er í New York og víðar um Bandaríkin. AFP

Haustið í Evrópu, september til nóvember, var 1,9 gráðu hlýrra en í meðalári og 0,4 gráðum heitara en það var árið 2006 er fyrra met var sett.

Hitastigið er töluvert hærra en eðlilegt er á norðurslóðum og í Síberíu þessa mánuðina. Sömu sögu er að segja frá Bandaríkjunum, Suður-Ameríku og suðurhluta Afríku sem og austurhluta Suðurskautslandsins og meirihluta Ástralíu. 

Heitustu ár frá því mælingar hófust hafa öll verið eftir árið 2015.

Tengdar fréttir

Loftslagsvá

Gretu Thunberg gert að mæta fyrir dóm

• Áhrif hlýnunar mest í Asíu
• Frítt í strætó fyrir viðskiptavini Krónunnar
• „Þeir hafa ekki alveg verið að standa við sitt“
• Stórt svæði orðið eldi að bráð

» Fleiri tengdar fréttir

• Blogga um frétt