Býður upp á tunglferð
Setja bókamerki
Japanskur milljarðamæringur, Yusaku Maezawa, auglýsti á Twitter í dag eftir átta manneskjum sem eru til í að ferðast með honum til tunglsins. Hann sé búinn að borga fyrir sætin.
Greint var frá því árið 2018 að Maezawa verði fyrsti almenni borgarinn sem fer á braut um tunglið, gangi áætlun SpaceX, fyrirtækis Elon Musk, upp.
Ekki hefur verið gefið upp hvað Maezawa greiddi fyrir farmiðann til tunglsins en gert er ráð fyrir að ferðin verði farin í fyrsta lagi árið 2023. Fyrst ætlaði hann að bjóða 6-8 listamönnum með sér en hefur greinilega skipt um skoðun. „Ég býð ykkur að koma með mér í þessa för. Átta manns víðs vegar að úr heiminum. Ég keypti öll sætin þannig að þetta verður einkaferð,“ segir Maezawa í myndskeiði á Twitter.
Maezawa segist núna hafa talað um listamenn á sínum tíma því það væri hans skilningur að allar skapandi manneskjur geti kallast listamenn. Það eina sem hann fari fram á er að viðkomandi sé hvetjandi og skapandi. Alls verði 10-12 einstaklingar um borð í geimferjunni.
Gígbarmurinn hækkað frá því í gær
„Það þarf að vinna mikinn fjölda upp“
„Hvílir mikil leynd yfir þessu öllu“
Shakespeare fannst í skókassa
Kostnaður meiri en milljón á fermetra
Skiptir miklu meira máli en fólk grunar
Skemmtiferðaskip hætt komið nærri Viðey