Öryggiskerfið Ring, sem er í eigu bandaríska fyrirtækisins Amazon, ætlar að gera beiðnir lögreglu um aðgang að myndskeiðum frá heimilum fólks opinberar.
Fyrirtækið fékk á sig mikla gagnrýni þegar kom í ljós að eitt af hverjum tíu lögregluembættum í Bandaríkjunum gæti fengið aðgang að milljónum myndskeiða af heimilum fólks án sérstakrar heimildar.
Beiðnir lögregluembætta verða nú birtar opinberlega á appi fyrirtækisins, Neighbors.
Öryggismyndavélar Ring, sem finnast meðal annars í dyrabjöllum, gera notendum kleift að sjá og taka upp allt sem gerist við heimili þeirra. Það er svo undir eigendum komið hvort þeir vilja deila myndefni með nágrönnum eða lögreglu.
Amazon keypti Ring árið 2018 og samdi í kjölfarið við fleiri en 1.800 lögregluembætti um að þau geti fengið aðgang að myndskeiðunum án heimildar. Ring er orðið eitt stærsta öryggiskerfi Bandaríkjanna en í desember 2019 voru um 400 þúsund kerfi seld. Í lok apríl er gert ráð fyrir að lögreglan hafi lagt hald á um 22 þúsund myndskeið frá öryggiskerfinu.