Danska ríkið hefur ákveðið að styrkja lyfjafyrirtækið Bavarian Nordic um 800 milljónir danskra króna eða um 16 milljarða íslenskra króna til þess að þróa lyf gegn Covid-19.

Í tilkynningu frá Magnus Heunicke heilbrigðisráðherra segir að veiran verði áfram í samfélaginu og því sé mikilvægt að þróa áfram bóluefni gegn henni, sérstaklega fyrir nýjum afbrigðum. Þá segir Heunicke einnig að mikilvægt sé að búa til bóluefni sem hægt sé að dreifa í þróunarríkjum.

Lyf Bavarian Nordic er nú í fasa tvö þar sem rannsakað er hvort lyfið virki sem örvunarskammtur. Þá hefur bóluefnið fengið samþykki frá Lyfjastofnun Evrópu fyrir fasa þrjú en á eftir honum er gefið markaðsleyfi fyrir lyfinu. 

Frétt á vef DR.

Tengdar fréttir

Bólusetningar við Covid-19

WHO: Bóluefni bjargað 1,4 milljónum mannslífa

• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál
• Margir mæta í örvunarsprautu

» Fleiri tengdar fréttir

• Blogga um frétt