NASA tekur fyrstu skrefin í Artemis áætlun

NASA mun líklegast hleypa af stokkunum fyrstu tilraunaflaug án áhafnar þann 29.ágúst,  sem hluta af Artemis-áætlun þeirra.

Flaugin er sú fyrsta í röð leiðangra sem hefur það lokamarkmið að senda menn til tunglsins og byggja ásættanlega viðurvist þar.

Undirbúningur fyrir ferðir til mars

Artemis leiðangurinn á að nýtast sem ákveðinn undirbúningur fyrir áætlaðar ferðir til mars á næstu árum. 

Tilraunaflaugin mun ferðast um ystu hlið tunglsins í ferð sem tekur fjórar til sex vikur og snúa síðan aftur til jarðar á meiri hraða en nokkurt skip hefur áður gert. Með henni getur NASA betur tryggt öryggi áhafnar í fyrstu Artemis ferðinni og skilvirkni flaugarinnar.

Artemis-2 fyrsta mannaða flaugin

Jim Free, aðstoðarstjóri NASA, sagði að mögulegir skotdagar fyrir Space Launch System og Orion áhafnarhylkið væri 29. ágúst, 2. september og 5. september. 

Artemis-2 verður fyrsta tilraunaflaugin með áhöfn, en hún á að fljúga í kringum tunglið án þess að lenda. Fyrsta konan til að lenda á suðurpól tungslins verður meðlimur í áhöfninni í Artemis-3 flauginni.

• Blogga um frétt