Fyrsta SMS-skilaboðið var sent fyrir þrjátíu árum í dag. Þann 3. desember 1992 sendi Bretinn Neil Papworth stutt en hnitmiðuð smáskilaboð á yfirmanninn sinn:
„Gleðileg jól“.
Papworth fékk ekkert svar en skilaboðin voru fjarri því að vera þau seinustu af þessari gerð. Þegar vinsældir SMS-skilaboð voru í hæstu hæðum voru um 150 milljarðar slíkra boða send á ári hverju.
Vinsældir þeirra hafa dalað ögn síðustu ár sökum nýrra samskiptamáta á borð við Whatsapp, Facebook Messenger og skilaboðaþjónustu Apple, iMessage. Þjónustur þessar bjóða flestar upp á dulkóðun skilaboða sem er ekki mögulegt með hefðbundnum SMS-skilaboðum.
Í upphafi gátu SMS-skilaboð einungis verið 160 stafbila löng en tæknin að baki þeim hefur þróast mjög. Nú er hægt að senda tjákn með SMS skilaboðum og myndir, með MMS-skilaboðum, þó upplausn þeirra mynda sé takmörkum háð.