Bráðnun hraðari og fyrr á ferð

„Nú erum við að fara yfir gögnin sem við fengum úr flugi Landhelgisgæslunnar í gær, það eru ratsjárgögn, hitagögn og fleira,“ segir Ingibjörg Jónsdóttir, landfræðingur og dósent við jarðvísindadeild Háskóla Íslands, í samtali við mbl.is um gang mála í og við Öskjuvatn.

Frétt af mbl.is

Telja skjálfta hafa opnað sprungur á svæðinu

Nefnir Ingibjörg sérstaklega þekkt jarðhitasvæði vestarlega í vatninu þar sem litlar vakir séu á ísnum í hefðbundnu árferði, en nú sé allur vestari hluti vatnsins auður. Það svæði hafi verið gaumgæft sérstaklega með hitamyndavélum í flugi gærdagsins. „Það gufaði mjög upp úr þessu svæði og lá strókurinn út yfir vatnið,“ segir hún.

Frétt af mbl.is

Merki um að landið sé farið að hitna

Segir Ingibjörg enn fremur að bráðnun íss á vatninu gerist nú hvort tveggja mun hraðar og fyrr á árinu en vaninn sé. Áfram verði fylgst með þróuninni með tiltækum ráðum, meðal annars hver þróunin verði á vatninu með tilliti til yfirborðshita.

• Blogga um frétt