Meta, eigandi samfélagsmiðlanna Facebook, Instagram og Whatsapp, ætlar að bjóða upp á áskriftarleið, svipaða þeirri sem Twitter kynnti á síðasta ári.
Mark Zuckerberg, forstjóri Meta, tilkynnti áformin um Meta Verified í gær.
Áskriftarleiðin felst í því að aðgangur þekktra notenda verður auðkenndur á Instagram og Facebook með bláum miða.
Þannig er aðgangurinn varinn gegn þjófnaði á auðkennum og ef notendur lenda í vandræðum geta þeir haft samband beint við þjónustudeild Meta.
Opnað verður fyrir áskriftina í þessari viku í Ástralíu og á Nýja Sjálandi, og svo síðar í Bandaríkjunum og öðrum ríkjum.
Áskriftin mun kosta 11,99 dollara á mánuði, eða um 1.740 krónur, fyrir þá sem nota miðlana í vafra en 14,99 dollara á mánuði fyrir þá sem nota miðlana í smáforritum.
Áskriftin er valkvæð og eru einungis í boði fyrir þá sem eru eldri en 18 ára.
Meta segir hugmyndina hafa kviknað út frá fjölda beiðna frá áhrifavöldum sem eru að auka umsvif sín á samfélagsmiðlunum.