Meta, móðurfyrirtæki Facebook og Instagram, hefur tilkynnt um nýjar aðgerðir á Instagram sem miða að því að vernda ungmenni gegn kynlífskúgun (e. sextortion) og hótunum um dreifingu kynferðislegra mynda.

Þetta kemur fram í tilkynningu frá Lögreglunni á höfuðborgarsvæðinu.

Segir að þessar aðgerðir séu sérstaklega mikilvægar í ljósi þess að Instagram er á meðal vinsælustu samfélagsmiðla barna og ungmenna á Íslandi þar sem um 82% barna í 4.-7. bekk og 98% barna í 8.-10. bekk noti samfélagsmiðilinn. 

Helstu aðgerðirnar á Instagram til að bregðast við kynlífskúgun eru að:

• Nektarmyndir verða sjálfkrafa gerðar óskýrar í einkaskilaboðum til að verja viðtakendur.
• Unglingar undir 16 ára aldri geta ekki breytt stillingu reikningsins úr einkaham í opinn án samþykkis forráðamanna.
• Aukin fræðsla og forvarnir verða í samstarfi við áhrifavalda á Instagram.
• Ráðgjöf verður aðgengileg fyrir notendur sem verða fyrir kynlífskúgun og foreldra unglinga.
• Breytingar á tengi og deilimöguleikum á notendareikningum til þess að trufla notkunarmynstur skipulagðra glæpasamtaka á borð við yahoo boys.

Aðgerðirnar koma í kjölfar breytinga á notkunarskilmálum fyrir unglingsnotendur sem Meta kynnti í september.

Meðal þeirra breytinga eru að reikningar notenda undir 18 ára aldri eru sjálfkrafa stilltir á einkaham, engar tilkynningar eru sendar á milli klukkan 22 og 7 á nóttunni til að trufla ekki svefn barna, og foreldrar geta séð hvaða reikninga börnin hafa haft samskipti við nýlega.

Í tilkynningunni er farið yfir nokkrar ábendingar fyrirforeldra til að tryggja öryggi barna sinna á samfélagsmiðlum. 

Tengdar fréttir

Meta

Einkafærslur nýttar í að þjálfa gervigreind

• Instagram mun brengla nektarmyndir
• Skoða gjaldtöku á tæknirisa
• Vilja 85 milljarða frá Meta
• Alþjóðlegir tæknirisar skulda himinháar upphæðir

» Fleiri tengdar fréttir

• Blogga um frétt