Samþykkt var á miklum hitafundi Veiðifélags Árnesinga í gærkvöldi að aðeins yrði veitt á stöng á svæði félagsins sumarið 2019. Þetta kemur fram í Flugufréttum í dag.
Lax verður því ekki veiddur í net í Ölfusá og Hvítá sumarið 2019.
Tillagan var samþykkt með 88 atkvæðum gegn 68 atkvæðum. Netabændur eru ósáttir með ákvörðunina og þeir munu væntanlega kæra ákvörðunina og freista þess að leita réttar síns fyrir dómstólum.
Drífa Kristjánsdóttir á Torfastöðum bar upp tillöguna en hún er formaður Tungufljótsdeildar félagsins. Í samtali við Flugufréttir í gærkvöldi sagði Drífa að tillagan hefði ekki verið tilkynnt fundarmönnum fyrir fundinn. „Það hefur ekki verið hefð fyrir því að stjórn félagsins tilkynni sínar tillögur fyrir fram og því sáum við enga ástæðu til þess að gera það.“
Hægt er að lesa nánar um þetta í Flugufréttum sem komu út í morgun
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |