Góð byrjun í Vatnsdalsá

Vatnsdalsá í Húnavatnssýslu opnaði eftir hádegið í gær og í lok dags voru menn sáttir við afrakstur fyrsta dagspartsins.

Samkvæmt fregnum frá Birni Kr. Rúnarssyni sem staddur er við ána þá komu sjö laxar á land þessa fyrstu vakt og voru það allt vænir tveggja ára fiskar á blinu 79 til 100 cm. Sex komu á land fyrir neðan Flóðið og þar urðu menn varir við talsvert af laxi í Hnausastreng og Hólakvörn.

Þá kom einn 100 cm dreki á land úr Hnausastreng sem Margrét Haraldsdóttir veiddi á eins tommu Collie Dog túpu.

Sá sem kom á land upp í dal fyrir ofan Flóð var 97 cm og veiddist úr Hraunhyl. Til viðbótar fréttist af einum sem misstist úr Efri Ármótum við Álku þannig að eitthvað af fiski virðist genginn inn eftir dalnum.

• Blogga um frétt

Seinustu hundraðkallar sumarsins