Stórlax á land úr Ásunum

Greint er frá því inn á fluguveiðiversluninni Haugur að stórlax hafi komið á land úr Laxá á Ásum  fyrr í dag. 

Fram kemur að Sigurður Hannesson hefði þar sett í 103 cm hrygnu í Langhyl sem landað var eftir 20 mínútna baráttu. Var henni sleppt að lokinni myndatöku eins og tíðkast í ánni. Tók sú stóra „Skugga Ská Skorinn“-túpu sem er hönnuð er af Sigurði Héðni fluguhnýtara en vinsældir hennar hafa aukist mikið upp á síðkastið.

Opnunarhollið í Laxá á Ásum lauk veiðum í gær og endaði með 19 laxa á land og kemur fram hjá leigutakanum að laxinn sé orðinn vel dreifður um alla á. Stærstu laxarnir sem komu þá á land voru 92 cm og urðu menn þá einnig varir við nokkra smálaxa sem þegar virðast vera mættir. 

• Blogga um frétt

Seinustu hundraðkallar sumarsins