Fór vel af stað í Ölfusá

Stangveiðifélag Selfoss opnaði í morgun með viðhöfn veiðisvæðið félags við Ölfusá fyrir löndum jarðanna Fossnes og Hellis. 

Það var Páll Árnason heiðursfélagi félagsins sem flaggaði venju samkvæmt og þá voru kaffi og veitingar bornar fram í nýbyggðu húsnæði félagsins við Víkina við Ölfusá.

Það var svo formaður félagsins, Guðmundur Marías Jensson, sem opnaði ána ásamt Helga Sigurði Haraldssyni forseta bæjarstjórnar Selfoss.

Fram kemur að á þessum fyrsta veiðidegi veiddust fjórir laxar sem allir voru bústnir, bjartir og fallegir fiskar.

Fyrsti laxinn sem náðist á land fékk Viktor Óskarsson sem vigtaður var 2,2 kg í Klettsvíkinni og skömmu síðar fékk Agnar Pétursson 5,5 kg lax í Víkinni. 

Agnar Pétursson með 5.5 kg lax veiddan í Víkinni á opnunardaginn. svfs

• Blogga um frétt

Seinustu hundraðkallar sumarsins