Veiði hefur verið fremur róleg það sem af er sumri á svokölluðu Laxamýrarsvæði í Laxá í Aðaldal og virðist sem lítið af smálaxi sé að skila sér.
Seinasta tveggja daga holl sem lauk þar veiðum landaði aðeins tveimur löxum og sáu menn lítið af nýjum fiski fyrir neðan Æðarfossa sem er harla óvenjulegt um miðjan júlí. Skot hafa þó komið við og við og þann 13. júlí lönduðu tveir veiðimenn 13 löxum á einni vakt fyrir neðan fossa og var eitthvað af því nýgenginn smálax.
Stærsti laxinn sem veiðst hefur fram að þessu er 104 cm hængur sem veiddist í Sjávarholu 25. júní á rauða frances túpu var landað eftir mikinn barning niðri í Kistuhyl. Þá kom annar 100 cm bolti á land úr Brúarstreng 8. júlí og veiddist á Frigga rr. 12.
Um 170 laxar eru komnir á land frá því opnað var þann 20. júní, en voru um 200 á sama tíma fyrir ári. Heildarveiði sumarsins 2017 voru 429 laxar sem var með allra lélegustu veiðiárum á þessum slóðum.
Á Nessvæðinu hafa veiðst rúmlega 100 laxar frá því að opnað var undir lok júní og þar eins og oft áður hefur verið hátt hlutfall laxa um og yfir 100 cm.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |