Tvær ár yfir þúsund laxa

Nýjar veiðitölur á vef Landssambands veiðifélaga gefa til kynna að ágæt vika er að baki. Tölurnar eru glænýjar og voru teknar saman í gærkvöldi. Samantektin spannar veiðina frá 11. til 18. júlí. Veiði var víða ágæt og bætist Eystri-Rangá á listann yfir efstu tíu árnar. Veiðin þar er komin í 555 laxa og gaf hún 339 laxa í vikunni. Ef veiðin er borin saman við svipaðan tíma í fyrra þá höfðu veiðst 201 laxar. Veiðin nú er orðin tæplega þrisvar sinnum meiri en í fyrra.

Í efsta sæti á listanum eru Þverá og Kjarará en þar hafa veiðst 1.525 laxar. Þar hefur veiðin gengið afar vel og veiddust alls 339 í liðinni viku. Á svipuðum tíma í fyrra höfðu veiðst 1.238 laxar og er því veiðin nú orðin 287 löxum meiri.

Í öðru sæti á listanum er Norðurá og er hún önnur áin sem fer yfir 1.000 laxa þetta árið. Veiðin er komin í alls 1.125 laxa og hefur veiðin gengið vel en  síðasta vika skilaði 291 laxi. Á sama tíma í fyrra höfðu veiðst 794 laxar og veiðin nú orðin 331 laxi meiri.

Í þriðja sæti er Urriðafoss í Þjórsá en þar er veiðin komin í 842 laxa. 124 laxar veiddust í vikunni. Í fyrra var lokatalan í Urriðafossi 755 laxar og er veiðin nú orðin 87 löxum meiri en heildartalan í fyrra.

Hér er listi yfir tíu efstu árnar þessa vikuna. Í sviga fyrir aftan vikuveiði er staða veiði í fyrra 19.07.2017 og plús eða mínus eftir því hvort veiðin er meiri eða minni en í fyrra.

1. Þverá og Kjarará 1.525 laxar - vikuveiði 339 laxar. (1.238)+
2. Norðurá 1.125 laxar - vikuveiði 291 laxar. (794)+
3. Urriðafoss í Þjórsá 842 laxar - vikuveiði 124 laxar. (583)+
4. Miðfjarðará 759 laxar - vikuveiði 244 laxar. (1.202)-
5. Ytri-Rangá 748 laxar - vikuveiði 347 laxar. (902)-
6. Haffjarðará 722 laxar - vikuveiði 235 laxar. (547)+
7. Langá 608 laxar - vikuveiði 262 laxar. (731)-
8. Eystri-Rangá 555 laxar – vikuveiði 339 (201)+
9. Blanda 515 laxar - vikuveiðin 98 laxar. (745)-
10. Elliðaárnar 458 laxar – vikuveiði 133 laxar. (475)-

• Blogga um frétt

Seinustu hundraðkallar sumarsins