Mjög góð netaveiði í Ölfusá

Vitjað um netin í Ölfusá.
Vitjað um netin í Ölfusá. mbl.is/Golli

Að sögn Atla Gunn­ars­son­ar, sem sér um neta­veiðar fyr­ir landi Sel­foss við Ölfusá, hef­ur veiðin í net­in í sum­ar verið mjög góð. 

Atli er sér um netalagnir fyrir Sel­foss­bænd­ur sem hafa heimild til að hafa tvær lagn­ir á eystri bakkanum, eina neðan við Ölfusár­brúna og aðra við flúðirn­ar skammt fyr­ir neðan Sel­foss­kirkju, á móts við veiðisvæði Stang­veiðifé­lags Sel­foss.

Fram kom hjá Atla að veiðin væri búin að vera mjög góð i sumar og talsvert yfir meðallagi síðustu ára. Lax væri enn að ganga af fullum krafti og nefndi sem dæmi að í síðustu lögninni hjá honum á föstudaginn hefðu komið 9 laxar eftir þrjá klukkutíma og voru 7 af þeim grálúsugir.

Heim­ilt er að leggja net frá klukk­an 10:00 á þriðju­dög­um til klukk­an 22:00 föstu­daga og þarf tvo fullfríska menn til að vitja um net­in fjór­um sinn­um á dag þann tíma sem þau eru niðri. Atli sagði að ekki hafi verið unnt að vera með neta­lögn­ina rétt neðan við brúna virka í sum­ar vegna mannskapsleysis.

Áætlað er að i Ölfusá veiðist á hverju sumri að meðaltali um 3.800 laxar í net og í Hvítá um 2.400.

Veiðifélag Árnesinga samþykkti á fundi þann 26. apríl síðastliðinn að allri laxveiði í net skyldi hætt í Ölfusá og Hvítá frá og með sumrinu 2019. Var þessi tillaga samþykkt með 88 atkvæðum gegn 68, en hægt er að kæra samþykkt tillögunnar til Fiskistofu. Verði það ekki gert tekur tilagan gildi sumarið 2019.

Kvaðst Atli í samtalinu ekki trúa því að slíkt yrði að veruleika og enn hafi ekkert verið verið rætt um það hvernig bæta skyldi netabætum það mikla tekjutap og skerðingu á eignarrétti sem þeir yrðu fyrir verði þessar tillögur að veruleika.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert