Fluga vikunnar fyrir lax er túban María. Þessi túpa var hönnuð og hnýtt af Kristjáni Guðjónssyni fyrrverandi formanni SVFR. Túpan var nafnlaus þegar Kristján gaf Maríu í Veiðihorninu hana við opnun Norðurár fyrir um 20 árum. María gerði feiknaveiði á hana strax á fyrstu vakt og gaf Kristján túpunni nafnið María af því tilefni.
María veiðir vel jafnt lax, sjóbirting og bleikju. Um þessa túpu gildir það sama og um allar aðrar túpur að áhrifaríkast er að veiða hægt. Það er gott er að kasta þvert á straum og jafnvel upp í straum, taka af slakann og menda línuna upp til þess að hægja á rennsli túpunnar. Gjarnan tekur fiskur þegar túpan er komin beint niður af veiðimanni og svo gott sem stopp.
Squirmy Wormy. Þetta leynivopn þröngs hóps veiðimanna lak út síðasta sumar og nú má segja að enginn fari lengur í veiði án þess að eiga nokkra Squirmy Wormy í boxum sínum.
Þessi ormur er gjarnan hnýttur með þungri Tungsten kúlu. Best er að veiða andstreymis á þessa mögnuðu flugu. Kasta stutt og leyfa flugunni að damla niður með straumnum. Við höfum heyrt ófáar veiðisögurnar í sumar af nánum kynnum Squirmy Wormy við bleikjur, urriða og haldið ykkur - einnig laxa.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |