Veiða og missa í Soginu - myndskeið

Veiðin í Soginu hefur verið með ágætum og mun betri en til dæmis í fyrra. Sporðaköst fylgdust með Árna Baldurssyni, einum af landeigendum við Sogið, veiða í gær. Hans kenning á veiðiaukningunni er að netabændur hafi átt í erfiðleikum með netalagnir vegna mikils vatns. Veiðin fyrir landi Ásgarðs sem Árni á, er nú þegar orðin meira en tvisvar sinnum meiri en heildarveiðin í fyrra.

Nartar í hælana á Tóta tönn

Frægt er að orðið að Þórarinn Sigþórsson tannlæknir var um síðustu áramót búinn að landa 20.511 löxum. Þessu lýsti hann yfir í samtali við Sportveiðiblaðið. En Árni Baldursson er líka að telja. Hann er kominn með 16.850 laxa og segist sjálfur vera að narta í hælana á Tóta tönn.

Uppbygging Sogsins

Öllum fiski er sleppt í Ásgarðslandi og segir Árni Baldursson að nú sé framundan uppbygging á laxastofni Sogsins. Hann segist spenntur að sjá hvað gerist ef netin á vatnasvæðinu fyrir neðan Sogið fara ekki niður á næsta sumri, eins og stefnir í.

Sporðaköst tóku hús á Árna Baldurssyni á bökkum Sogsins í gær.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Fossá Guðbjörn Gunnarsson 1. október 1.10.
101 cm Víðidalsá Nils Folmer Jörgensen 26. september 26.9.
104 cm Laxá í Dölum Sigurður Smárason 25. september 25.9.
100 cm Miðfjarðará Róbert G. Grímsson 24. september 24.9.
104 cm Stóra Laxá Rúnar Gauti Guðjónsson 23. september 23.9.
102 cm Víðidalsá/Fitjá Nils Folmer Jörgensen 19. september 19.9.
100 cm Eystri-Rangá Hannes Gústafsson 14. september 14.9.

Skoða meira