Veiði hófst í Gljúfurá í Borgarfirði 25. júní og fór ágætlega af stað í upphafi en síðan hefur talsvert dregið úr veiði.
Í gærkvöldi var búið að veiða 156 laxa og 17 silunga, en veitt er á þrjár stangir. Veiði fór vel af stað og landaði fyrsta hollið 11 löxum og þar af 8 fyrsta daginn. Áin er fyrst og fremst smálaxaá en stærsti laxinn til þessa veiddist í Neðri-Móhyl 17. júlí á maðk og reyndist það vera 83 cm hrygna sem var drepin og var vegin 6 kíló.
Teinar hafa gefið flesta laxa það sem af er eða 21, en Kerið og Geitaberg koma þar á eftir með 15 laxa. Veiðst hafa 52 laxar á flugu en 104 á maðkinn. Samkvæmt teljara sem staðsettur er neðarlega í ánni hafa gengið 412 fiskar þar í gegn síðan hann var settur niður í byrjun júní, en einhver hluti af því er silungur. Síðastliðna sjö daga hafa þó aðeins 16 fiskar gengið þar í gegn.
Sumarið 2017 veiddust 282 laxar í Gljúfurá sem er nálægt meðalveiði. Metár var hins vegar sumarið 2015 þegar 639 laxar veiddust.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |