Veiðin á efsta svæðinu í Eyjafjarðará hefur verið afbragðsgóð frá því opnað var nú um mánaðamótin. Í gær kom þar risableikja á land.
Feðgarnir Ágúst Ásgrímsson og Ágúst Máni Ágústsson voru á veiðum á svæði fimm og alls lönduðu þeir rúmlega 20 fiskum. Sú stærsta var engin smásmíði eða 77 cm löng hrygna sem Ágúst Máni setti í. Var þetta mikill slagur og hafðist hrygnan ekki í land fyrr en eftir 20 mínútna baráttu. Er þetta stærsta bleikjan sem komið hefur á land úr ánni í sumar.
Heilt yfir var þetta vænn fiskur hjá þeim feðgum og landaði til að mynda Ágúst Máni annarri stórbleikju sem var 67 cm.
Aðeins er veitt í mánuð á tveimur efstu svæðum árinnar frá 1. ágúst til loka mánaðarins. Skylt er að sleppa öllum bleikjum á efstu tveimur svæðunum og er þetta gert í því skyni að ná veiðinni upp úr margra ára öldudal og hafa menn á síðustu árum orðið varir við talsvert mikil batamerki.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |