Brú yfir Norðlingafljót

Ekið yfir Helluavað á Norðlingafljóti.
Ekið yfir Helluavað á Norðlingafljóti. flickr.com

Í Skessuhorninu er greint frá að nú hilli loks undir brú yfir Norðlingafljót sem kemur til með að bæta aðgengi fólks inn á Arnarvatnsheiði.

Fram kemur að samið hefur verið við Vestfirska verktaka ehf. um að byggja brúna og stendur til að því verki verði lokið fyrir 1. október næstkomandi. Reist verður stálgrindarbrú með timburgólfi milli tveggja hraunklappa við ána, skammt ofan við svokallað Helluvað.

Verktakar úr Borgarfirði  sjá um vegagerðina sem hófst á mánudaginn. Fram kemur að brúarstæðið sé frá náttúrunnar hendi mjög gott og hefur draumur margra um árabil verið að á þessum stað yrði reist brú.

Langt er síðan úthlutað var peningum til verksins en þeir voru meðal annars „lánaðir“ í önnur verk. Jón Gunnarsson, fyrrverandi samgönguráðherra,  beitti sér fyrir því að lokið yrði að fjármagna framkvæmdina og hafinn undirbúningur að útboði.

Norðlingafljót hefur fram til þessa verið helsti farartálmi almennrar umferðar úr Borgarfirði og norður í Miðfjörð um Arnarvatnsheiði. Jepplingafært er nú þessa leið utan Norðlingafljóts, en það er of vatnsmikið til að hægt sé að aka þar yfir nema á vel búnum jeppum. Þá er rennsli í ánni afar mismunandi og getur aukist verulega eftir heita sumardaga þegar snjóbráð er mikil úr jöklunum. Af þeim sökum hefur oft legið við slysi þegar óvant ferðafólk hefur fest bíla sína í fljótinu.

Rætt var Snorra Jóhannesson, bónda á Augastöðum og veiðivörð á Arnarvatnsheiði, sem fagnaði því að loks hilli undir brúargerðina sem hann sagði að væri löngu tímabær og muni  skapa fjölmörg tækifæri í ferðaþjónustu og tengir saman sýslurnar. Þá eykur hún öryggi ferðafólks og þar hafi oft legið við stórslysum í fljótinu.  Fyrir Veiðifélag Arnarvatnsheiðar þýðir þetta aukna umferð og um leið bætta þjónustu við fólk sem vill njóta náttúrunnar og fengsælla veiðivatna á Arnarvatnsheiði.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert