Skotveiðifélag Íslands og veiðiverslunin Hlað hafa gert með sér samkomulag um að verslunin sjái um greiðslu á félagsgjöldum fyrsta árið fyrir nýja félagsmenn.
Samningurinn gildir um þá nýja félaga sem ganga í félagið næsta árið. Stjórn félagsins greinir frá því að miklar vonir séu bundnar við þennan samning og færir þeim Hlaðmönnum bestu þakkir fyrir samstarfið. Fram undan væru stór verkefni í hagsmunagæslu fyrir skotveiðimenn og því nauðsynlegt fyrir alla veiðimenn að fylkja sér bak við félagið. Rétturinn til veiða er ekki sjálfgefinn.
Hlað hóf starfsemi á Húsavík árið 1984 þegar nokkrir rjúpnaveiðimenn á Norðurlandi hófu tilraunir með framleiðslu haglaskota vegna þess hve fátæklegt úrval rjúpnaskota var þar nyrðra sem hentuðu norðlenskum aðstæðum.
Fyrstu árin gerðu menn þetta í frístundum sínum en í dag eru tvær verslanir starfræktar, ein í Reykjavík og hin á Húsavík. Hlað á Húsavík framleiðir nú yfir hálfa milljón haglaskota árlega og hefur Jónas Þór Hallgrímsson stjórnað framleiðslunni frá upphafi.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |