Nú þegar komið er fram í seinni hálfleik laxveiðisumarsins skella margir undir stórum og þungum túpum. Auðvitað virka þær vel en hætt er við að veiðistaðir séu „eyðilagðir“ þegar stórum og þungum túpum er þrákastað. Oftar en ekki er vænlegra til árangurs að nota jafnvel agnarsmáar flugur ef ná á fleiri en einum laxi úr sama hylnum. Flugur vikunnar að þessu sinni eru þyngdar örflugur sem veiða oft fantavel, ekki síst seinni hluta sumars og á haustin. Eins og glöggt má sjá á meðfylgjandi mynd er búkur flugunnar vafinn með vír sem þyngir hana umtalsvert. Þessum flugum má gjarnan kasta upp í straum og strippa hratt niður.
Marek Imierski er margfaldur Póllandsmeistari í fluguhnýtingum. Cezary Fijalkowski, sem búsettur hefur verið um langt árabil á Íslandi og er þekktur stórveiðimaður, hefur notað flugurnar frá Marek í mörg ár með góðum árangri og landað ófáum tröllum á þær. Straumflugurnar frá Marek Imierski veiða ekki bara stóru urriðana í Þingvallavatni heldur hafa þeir reynst vel í sjóbirting, en nú er einmitt sjóbirtingsvertíðin að hefjast.
Það er ekki langt síðan við sögðum frá því hér að Cezary landaði ellefu kílóa urriða í Þingvallavatni, einmitt á eina af flugunum hans Mareks.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |