Veiði er nú lokið í flestum laxveiðiám landsins og liggja lokatölur fyrir í mörgum þeirra. Enn er þó veitt í nokkrum þeirra og eru það einkum hafbeitarárnar á Suðurlandi þar sem veitt verður til langt fram í október.
Í gærkvöldi birtust lokatölur úr mörgum veiðiám víða um land á vef Landssambands veiðifélaga og nær samantektin frá 20. til 26. september.
Sem fyrr er Eystri-Rangá efst á listanum yfir fjölda veiddra fiska með 3.800 laxa og er Ytri-Rangá í öðru sæti þar skammt á eftir með 3.742 laxa og gæti mögulega stolið efsta sætinu rétt í lokinn. Í þriðja sæti er Miðfjarðará þar sem veiði lauk á mánudaginn með lokatölu upp á 2.719 og er þar með aflahæst af sjálfbæru laxveiðiánum.
Hér er listinn yfir 10 aflahæstu árnar þessa vikuna og lokatölur
- Eystri-Rangá 3.733 laxar - vikuveiði 67 laxar (2041 á sama tíma 2017).
- Ytri-Rangá 3.742 laxar - vikuveiði 149 laxar (6835 á sama tíma 2017).
- Miðfjarðará 2.719 laxar - vikuveiði 117 laxar – LOKATALA (3765 árið 2017).
- Þverá og Kjarrá 2.455 laxar – veiði lokið, lokatölur liggja ekki fyrir (2060 árið 2017).
- Norðurá 1.692 laxar - LOKATALA (heildarveiði 1.719 árið 2017).
- Langá 1.635 laxar - vikuveiði 123 laxar -LOKATALA (heildarveiði 1.701 árið 2017).
- Haffjarðará 1.545 laxar LOKATALA (heildarveiði 1.167 árið 2017).
- Selá í Vopnafirði 1.340 laxar – LOKATALA (937 árið 2017).
- Urriðafoss í Þjórsá 1.317 laxar - vikuveiði 14 laxar (755 árið 2017).
- Laxá í Dölum 1.075 laxar – veiði lokið, en loktölur ekki borist (871 árið 2017).
Þá liggja fyrir lokatölur úr nokkrum öðrum ám og samkvæmt þeim er heildarveiðin nokkuð áþekkt því sem hún var sumarið 2017 nema þá helst í Laxá á Ásum og Blöndu þar sem veiði var nú mun minni en sumarið 2017.
Nokkrar staðfestar lokatölur úr öðrum ám:
- Elliðaárnar gáfu 960 laxa í heildarveiði á þessari vertíð (890 sumarið 2017).
- Laxá á Ásum gaf 703 laxa í heildarveiði (1.108 sumarið 2017).
- Laxá í Aðaldal gaf 608 (709 sumarið 2017).
- Straumfjarðará á Snæfellsnesi með 349 laxa (352 sumarið 2017).
- Laugardalsá við Ísafjarðardjúp með 198 laxa (175 árið 2017).
- Búðardalsá á Skarðsströnd með 331 lax (255 árið 2017).
- Blanda með 870 laxa (1.433 árið 2017).
- Hofsá og Sunnudalsá í Vopnafirði með 697 laxa (595 árið 2017).
- Laxá í Leirársveit með 671 lax (624 árið 2017).
- Flókadalsá í Borgarfirði með 477 laxa (424 árið 2017).
- Langholt í Hvítá í Árnessýslu með 411 laxa.
- Korpa (Úlfarsá) með 237 laxa (115 árið 2017).
- Fnjóská var með 126 laxa (107 árið 2017).
- Krossá á Skarðströnd með 91 lax (116 árið 2017).
Seinustu hundraðkallar sumarsins
Lengd á laxi |
Veiðisvæði |
Veiðimaður |
Dagsetning
Dags.
|
101 cm |
Vatnsdalsá |
Erlendur veiðimaður |
29. september
29.9.
|
101 cm |
Eystri-Rangá |
Grzegorz Loszewski |
27. september
27.9.
|
105 cm |
Hvítá við Iðu |
Katrín Tanja Davíðsdóttir |
24. september
24.9.
|
101 cm |
Víðidalsá |
Jón Eðvald Halldórsson |
22. september
22.9.
|
107 cm |
Grímsá |
Jón Jónsson |
22. september
22.9.
|
101 cm |
Miðfjarðará |
Agnar Sigurjónsson |
22. september
22.9.
|
101 cm |
Hvítá við Iðu |
Gunnar Pétursson |
20. september
20.9.
|
Skoða meira