Hvar var besta veiðin í sumar?

Vorfiskur úr Urriðafossi í Þjórsá. Veiðimaðurinn er Atli Steinn Jónsson. …
Vorfiskur úr Urriðafossi í Þjórsá. Veiðimaðurinn er Atli Steinn Jónsson. Hver stöng fékk að meðaltali 3,66 laxa á dag í Urriðafossi í sumar. Ljósmynd/ES

Hvar var besta veiðin í sumar? Með einföldum útreikningum er hægt að svara því. Heildarfjöldi laxa í laxveiðiá segir ekki nema brot af sögunni. Við ákváðum að reikna þetta með þeim hætti að finna út meðaltal veiddra laxa á stöng á dag. Við deilum svo í þá tölu með fjölda veiðidaga sem er á flestum stöðum í kringum 90 dagar. Þá skýrist myndin og hægt að sjá hvar besta veiðin var. Urriðafoss fer í efsta sæti. Miðfjarðará er í öðru sæti og Haffjarðará í því þriðja. Athyglisvert er að Þverá/Kjarrá hrapar niður í níunda sæti. Miðfjarðará er með 3,02 laxa á stöng á dag. Það þýðir að hver veiðimaður þar í sumar veiddi á þremur dögum ríflega níu laxa. Á móti kemur að hafi sami veiðimaður farið í Laxá í Aðaldal, sem er með hlutfallið 0,39 laxar á stöng á dag, hefði hann mátt búast við að ná rúmlega einum laxi á þremur dögum.

Hér er listinn yfir árnar þar sem miðað er við veiði á dagstöng. Þessi listi er unninn út frá upplýsingum á angling.is eins og tölurnar standa núna. Landssamband veiðifélaga heldur úti þeim vef. Flestar ár eru búnar að birta lokatölur en engu að síður tökum við þennan lista nú saman. Reikniformúlan er einföld. Fjöldi stanga í viðkomandi á deilt með fjölda veiddra laxa. Við tökum þetta enn lengra og deilum í með 90, sem er fjöldi veiðidaga í flestum ám. Þá kemur út hver veiðin er á stöng á dag að meðaltali. Það er hinn raunsanni mælikvarði á hversu mikil veiðivon var í einstökum ám. Hér er ekki tekið tillit til verðs, þjónustu, tímabils eða slíkra þátta. Eingöngu er horft á tölur. Rétt er að benda á að bæði Blanda og Jökla fóru á yfirfall í sumar og litast tölurnar af þeirri staðreynd. Þar sem enn er langt eftir af veiðitíma í Rangánum eru þær ekki teknar inn í þennan útreikning. Þá er líka vert að hafa í huga að uppgefinn fjöldi stanga er tekinn af angling.is en þar geta hafa orðið breytingar. Má nefna að í Miðfjarðará er veitt á sex stangir fyrri hluta veiðitímans og myndi það hækka hlutfallið þar verulega, væri tekið tillit til þess. Sama má segja um Laxá í Dölum en þar er veitt á fjórar stangir framan af veiðitímanum.

Veiðisvæði               Fjöldi laxa       Fjöldi stanga     Á stöng       Á dag

Urriðafoss                     1.317                4               329            3,66

Miðfjarðará                   2.719               10               272            3,02

Haffjarðará                   1.545                6                257            2,86

Elliðaár                           960                4                240            2,66

Selá í Vopnafirði            1.340                6               223            2,48

Affall                               816                4               204            2,26

Laxá í Dölum                 1.075               6               179             1,99

Laxá á Ásum                   702                4                176            1,95

Þverá/Kjarrá                  2.455               14             175             1,95

Langá                           1.635                12             136             1,51

Grímsá                          1.036               8               130             1,44

Laxá í Kjós                        989               8               124             1,37

Haukadalsá                       603               5                121            1,34

Norðurá                           1.692              15             113             1,25

Laxá í Leirársveit                 671               6              112             1,24

Hítará                                579                6                97             1,07

Blanda                               870              10                87             0,96 

Vatnsdalsá                         500               6                83             0,92

Hofsá í Vopnaf.                    697               9                77             0,86

Víðidalsá                             561               8                70             0,78

Jökla                                   505               8                63            0,70

Laxá í Aðaldal                      608              17                36            0,39

Vert er að benda á fleiri ár. Þannig er Flókadalsá með hlutfallið 1,76 laxar. Miðá í Dölum, Brennan og Hrútafjarðará með hlutfallið 1,33. Búðardalsá er einnig athyglisverð en þar er bara veitt á tvær stangir. Hlutfallið í henni er gott eða 1,84 laxar á stöng á dag sem er aðeins lakara en í Þverá og Kjarrá. Þá er Svalbarðsá með hlutfallið 1,2 laxar á stöng á dag að meðaltali.

Af ám þar sem eingöngu er veitt á flugu er …
Af ám þar sem eingöngu er veitt á flugu er Miðfjarðará með besta hlutfallið eða 3,02 laxa á stöng á dag. Hlufallið er í raun hærra þar sem veitt er á færri stangir framan af. Jóhann Birgisson
mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert