Erlendir veiðimenn opnuðu Grímsá í Borgarfirði í morgun og fór veiði vel af stað á fyrstu vaktinni samkvæmt fyrstu fréttum.
Samkvæmt upplýsingum frá veiðifélaginu Hreggnasa, sem heldur utan um veiðirétt í ánni, þá var sett í níu laxa og var fimm af þeim landað. Laxar veiddust á öllum fjórum svæðum árinnar, einn koma á land úr Efstahyl á svæði fjögur og einn kom á land úr Klöpp sem er á svæði þrjú. Þá komu tveir á land úr Strengjum sem eru á svæði tvö og einn á land úr Langadrætti sem er á neðsta svæðinu.
Fylgdi sögunni að allir laxarnir voru veiddir á litlar flugur með gáruhnút sem er sérstök aðfer við að láta fluguna skauta á yfirborði árinnar. Sá stærsti sem kom á land í morgun mældist 90 cm á lengdina og kom úr Strengjunum.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |