Veiði | mbl | 23.6.2019 | 7:16

Alda og Brá fyrir bjarta daga

Alda er þflug fluga í silung og hefur oft gefið góða veiði í veiðivötnum. Litaafbrigðin eru mörg. Ljósmynd/Veiðihornið

Flugur vikunnar að þessu sinni taka mið af aðstæðum í laxveiðinni og svo er hér ein mögnuð fyrir silunginn.

Alda hefur um árabil verið ein fengsælasta flugan í Veiðivötnum. Alda er fáanleg í nokkrum litaafbrigðum og erfitt að gera upp á milli því allar veiða þær vel. Þetta er ein af þeim flugum sem er mjög skynsamlegt að vera með í boxinu þegar farið er inn á hálendið í silung.

Brá fyrir bjarta daga og í vatnsleysi. Ef ekkert virkar er Brá einn af möguleikunum sem vert er að prófa. Ljósmynd/Veiðihornið

Brá fyrir bjarta daga

Brá er að öðrum flugum ólöstuðum besta fluga í lax á björtum dögum. Nú þegar vatn er afar lítið og dagar bjartir er ekki úr vegi að kasta agnarsmárri Brá í stærðum 16 og 18. „Það er einfaldlega bannað að fara í laxveiði þessa dagana án þess að taka leynivopnið, Brá með sér,“ segir Ólafur Vigfússon í Veiðihorninu þegar hann tilkynnti um val á flugum vikunnar.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.