Veiddi draumalaxinn í Víðidalsá

Eggert Halldórsson með draumalaxinn úr Dalsárósi í Víðidalsá. Hann mældist …
Eggert Halldórsson með draumalaxinn úr Dalsárósi í Víðidalsá. Hann mældist 101 sentímetri og tók Green But númer 14. Ljósmynd/JHR

Eggert B. Halldórsson setti í og landaði draumalaxinum í Víðidalsá skömmu eftir að hann hóf veiðar eftir hádegi. Hann og Þórir bróðir hans áttu neðsta svæðið og byrjuðu í Dalsárósi. Fljótlega reistu þeir fisk á hitch og sást strax að þetta var mjög stór fiskur. 

„Við vorum búnir að vera að tala um Green But á leiðinni frá veiðihúsinu. Svo mætti Jóhann Hafnfjörð, leigutaki og stakk upp á Green But númer fjórtán. Hún fór undir og ég fékk svaka yfirborðsneglu á hana. Ég áttaði mig ekki á hversu stór hann var. Vissi samt að þetta var stór fiskur. Ég sá hann aldrei almennilega fyrr en við hreinlega lönduðum honum,“ Sagði Eggert í samtali við Sporðaköst.

Fiskurinn var mældur 101 sentímetri og er sá stærsti sem veiðst hefur í Víðidalsá í sumar. Þetta var sannkallaður draugur eins og stórfiskarnir í Víðidalsá eru gjarnan kallaðir. Viðureignin stóð í um það bil hálftíma og þumbaðist stórlaxinn upp og niður hylinn. „Hann var ekki lúsugur en þetta er samt glænýr fiskur,“ sagði afar ánægður veiðimaður.

Viðureignin stóð í hálftíma og þá var fyrsta draugi sumarsins …
Viðureignin stóð í hálftíma og þá var fyrsta draugi sumarsins landað í Víðidal. Laxar sem ná stærðinni 100 sentímetrar eða meira eru gjarnan kallaðir draugar í Víðidal. Ljósmynd/JHR

Dalsárósinn er mjög líflegur þessa dagana og sagði Eggert að fiskur væri víða á lofti og að sýna sig. Nokkuð er af laxi í veiðistaðnum Þorra og einnig í Ármótum. Þá er nokkuð farið að ganga af fiski upp Fitjá eftir rigningar. Víðidalsá í Kolugljúfrum var einungis 2,3 rúmmetrar áður en fór að rigna en fór upp í þrjá rúmmetra eftir síðustu nótt. Nokkuð hefur sést af laxi í neðstu veiðistöðunum í hliðaránni Fitjá og veit það á gott.

Þá er laxinn mættur í Stekkjarfljót, einn af efstu veiðistöðum Víðidalsár, rétt neðan við Kolugljúfur.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert