Samkvæmt upplýsingum austan frá Jökuldal þá hefur verið ágætis gangur í veiðinni í Jöklu frá því hún opnaði þann 1. júlí.
Í gær komu 8 laxar á land úr Jöklu sjálfri og voru þeir flestir vænir. Stærstur var 94 cm hængur úr Klapparhyl.
Hingað til hafa flestir laxarnir verið að veiðast í Hólaflúð en í gær sló inn svæðið í kringum hliðarána Laxá.
Skilyrði í Jöklu eru góð, frábært vatn og segja leigutakar að það stefni í góðan júlímánuð.
Jöklusvæðið gaf 487 laxa sumarið 2018 og telja kunnugir að veiðin hefði orðið hefði mun meiri ef Jökla sjálf hafi ekki farið óvenjulega snemma á yfirfall í byrjun ágúst.
Venjulega fer Jökla á yfirfall þegar komið er fram í september þegar að Hálslón upp við Kárahnjúka fyllist og þá verður erfiðara að veiða Jöklu og veiðin færist þá að mestu í hliðarárnar.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |