Næstu dagar gætu orðið mjög spennandi fyrir laxveiðimenn. Loksins, loksins er spáð alvöru rigningu á vestanverðu landinu. Öllum spám ber saman um blauta daga upp úr helgi.
Einar Sveinbjörnsson helsti heimildamaður Sporðakasta, varðandi veður, sagði í samtali við okkur að nú mætti treysta þessari spá um vætu. „Vindarnir eru að snúast í háloftunum. Í stað þess að við séum að fá kalt loft úr norðri erum við að fá raka vinda úr suðri. Það er ljóst að rigna mun á Suð Vesturlandi, Vesturlandi og eitthvað líka fyrir norðan. Sérstaklega verður vætusamt á sunnudag og mánudag.“
Ég segi nú bara fyrir hönd laxveiðimanna; Takk fyrir þetta.
„Það æpa allir á rigningu nema sóldýrkendur og þetta er nú ekki síður að koma sér vel fyrir bændur upp á sprettu og það vatnar einnig vætu inn á hálendið í úthaga.“
Öllum spám ber saman um þetta. Hvort sem litið er til miðils Einars Sveinbjörnssonar, blika.is eða Veðurstofu Íslands eða norska vefsins yr.no. Aðeins er á reiki hversu mikil úrkoman verður en öllum ber saman um að þetta er alvöru rigning.
Á sama tíma er stórstreymt þann 17. þessa mánaðar. Það gætu því verið að fara í hönd spennandi vika í laxveiðinni. Vonandi fer saman vatn og lax og það er ljóst að með rigningunni mun sá fiskur sem þegar er genginn hressast og súrefni mun aukast í vatninu. Brúnin mun lyftast á mörgum við rigninguna.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |