Sums staðar ekki alslæmt

Vikulegur listi Landssambands veiðifélaga yfir laxveiði í ám landsins var birtur í nótt. Samkvæmt honum er Eystri-Rangá eins og undanfarið langefst af ánum hvað heildarveiði varðar og munar talsverðu miðað við næsta veiðisvæði þar á eftir. Veiði er mjög dræm víðast hvar og í öllum ánum er veiði minni en í fyrra og sums staðar einungis 1/6 af veiðinni frá því sumarið 2018. Á nokkrum veiðisvæðum má þó finna ljós í myrkrinu, einkum á norðausturhluta landsins.

Eystri-Rangá er ein af undantekningunum hvað þetta varðar og er komin í 1.823 laxa og er það er 1.029 löxum meira en Selá í Vopnafirði sem er komin í annað sætið með 794 laxa. Þá er Ytri-Rangá í þriðja sætinu skammt frá með 777 laxa, en þar hefur veiðin verið talsvert undir væntingum í sumar.

Veiðin heilt yfir landið er almennt döpur og virðist sem árnar í Vopnafirði, Þistilfirði og Sléttu séu þær einu sem eru nálægt meðalveiði síðustu ára og eru ljósið í myrkrinu hvað þetta varðar. 

Margar þekktar laxveiðiár eins og Norðurá, Langá og Laxá í Aðaldal komast ekki inn á þennan topp 10 lista.

Hér listinn yfir 10 efstu árnar eins og staðan er þessa vikuna.

1. Eystri-Rangá 1.823 laxar – vikuveiði 474 laxar (2.002 laxar á sama tíma 2018)

2. Selá í Vopnafirði 794 laxar – vikuveiði 188 laxar ( 863 laxar á sama tíma 2018)

3. Ytri-Rangá 777 laxar – vikuveiði 149 laxar (1.892 á sama tíma 2018)

4. Miðfjarðará 767 laxar – vikuveiði 120 laxar (1.682 á sama tíma 2018)

5. Urriðafoss í Þjórsá 705 laxar – vikuveiði 25 laxar (1.095 laxar á sama tíma 2018)

6. Blanda 541 lax – vikuveiði 61 lax (832 lax á sama tíma 2018)

7. Þverá/Kjarrá 470 laxar – vikuveiði 69 laxar (2.111 laxar á sama tíma 2018)

8. Hofsá í Vopnafirði 392 laxar – vikuveiði 62 laxar (444 laxar á sama tíma 2018)

9. Elliðaárnar 390 laxar – vikuveiði 39 laxar (756 laxar á sama tíma 2018)

10. Laxá á Ásum 358 laxar – vikuveiði 83 laxar (467 laxar á sama tíma 2018)

Nánar má kynna sér þessar upplýsingar hér

• Blogga um frétt

Seinustu hundraðkallar sumarsins