Stórveiðimaðurinn Cezary Fijalkowski hefur verið duglegur að veiða í þjóðgarðinum á Þingvöllum í sumar. Hefur hann landað yfir 70 urriðum og er uppistaðan rígvænn urriði.
Frá þessu er greint á vefsíðu Veiðikortsins. Fram kemur að veiðin í vatninu hafi verið mjög góð í sumar og að bleikjuveiðin sé enn mjög góð. Þá fer nú að renna upp sá tími að urriðinn fari að sýna sig í auknu mæli nálægt landi í hausthúminu.
Var Cezary í fyrrakvöld í vatninu ásamt félaga sínum Michal og fengu þeir nokkra stóra urriðadreka og landaði Michal meðal annars einum 20 punda. Veiddu þeir félagarnir langt fram yfir ljósaskiptin og er það þeirra mat að veiðin sé einna best þegar myrkrið skellur á.
Veiðikortið vill þó benda veiðimönnum á að fara að öllu með gát ætli menn veiða fram í myrkur og nauðsynlegt að þekkja vel til á svæðinu.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |