Framtíð Blöndu ræðst 28. ágúst

Veiðimenn með lax við Blöndu. Almennur félagsfundur í veiðifélaginu mun …
Veiðimenn með lax við Blöndu. Almennur félagsfundur í veiðifélaginu mun fara yfir stöðu mála þann 28. ágúst. Einar Falur Ingólfsson

Almennur félagsfundur í Veiðifélagi Blöndu og Svartár hefur verið boðaður þann 28. þessa mánaðar. Á fundinum verða kynnt staða mála varðandi mögulegt framhald á leigu á veiðirétti fyrir Blöndu og Svartá. Eins og Sporðaköst greindu frá sagði Lax-á ehf, félag Árna Baldurssonar upp samningi um ána þann 1. ágúst. Samningurinn var til loka næsta árs eða 2020.

Sigurður Ingi Guðmundsson bóndi á Ytri Löngumýri er formaður Veiðifélags Blöndu og Svartár. ”Við stefnum að því að almennur félagsfundur í veiðifélaginu fari yfir stöðuna og meti hvað rétt er að gera. Við teljum að það sé rétt að almennur fundur taki ákvörðun um næsta skref,” sagði Sigurður Ingi í samtali við Sporðaköst.

Hann staðfesti að nokkrir aðilar hefðu haft samband og lýst yfir áhuga. Hann sagðist vonast eftir því að fundurinn næði niðurstöðu og þar stæði valið fyrst og fremst um það hvort bjóða ætti ána út fljótlega eða að gengið verði til viðræðna við einhvern af þeim aðilum sem lýst hafa yfir áhuga á að taka ána á leigu.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
102 cm Sogið Kristinn Örn 14. júlí 14.7.
100 cm Nesveiðar Grétar Þorgeirsson 12. júlí 12.7.
100 cm Blanda Tom Tynan 9. júlí 9.7.
105 cm Blanda Nigel Hawkins 8. júlí 8.7.
104 cm Svalbarðsá Viggó Júlíusson 6. júlí 6.7.
104 cm Nesveiðar Hugo 29. júní 29.6.
104 cm Nesveiðar Aron Pálmarsson 27. júní 27.6.

Skoða meira