Fyrsta hollið í Tungulæk landaði tuttugu fiskum á tveimur dögum. Tungulækur er ein af nafntoguðustu sjóbirtingsám landsins og eins og flestar þeirra er hún í Vestur-Skaftafellssýslu. Tungulækur rennur út í Skaftá nokkru neðan við Kirkjubæjarklaustur.
Ingólfur Helgason hjá Veiðiklúbbnum Streng sem annast sölu veiðileyfa í Tungulækinn segir mikið gengið af fiski í lækinn og mest sé af honum á Breiðunni sem er einn efsti veiðistaðurinn í Tungulæk.
Fiskarnir sem veiddust í opnunarhollinu voru vel haldnir og sagði Ingólfur í samtali við Sporðaköst að mjög gott hlutfall hefði verið af stórum fiski. Nú fer að fara í hönd besti sjóbirtingstíminn og þá bætist fljótt í fjöldann í Tungulæk og fiskur dreifist betur.
Nýtt og glæsilegt veiðihús var tekið í notkun við Tungulæk í sumar.
Veiðitímabilinu er skipt í tvennt eins og í flestum sjóbirtingsám. Fyrra tímabilið er vorveiði sem hefst í byrjun apríl og stendur fram í miðjan maí. Haustveiðin hefst svo 1. september og lokadagur er 20. október. Veitt er á þrjár stangir í Tungulæk.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |