Sporðaköst og Veiðihornið í Síðumúla efna til ljósmyndasamkeppni um bestu veiðimynd ársins 2019. Öllum er heimillt að senda inn myndir og það eins margar og hver og einn vill. Myndirnar þurfa að tengjast veiði með einum eða öðrum hætti.
Skilafrestur er til 10. október og eftir það mun dómnefnd taka sér nokkurra daga umhugsunarfrest.
Verðlaunin eru einkar glæsileg: Sage X-einhenda. Verðmæti vinningsins er 129.900 krónur og er það Veiðihornið sem leggur hann til.
Allar myndir sem sendar eru þurfa að tilgreina veiðimann, veiðistað og aðrar þær aðstæður sem kunna að skipta máli. Allar innsendar myndir geta verið til birtingar á mbl.is en þar verður valið reglulega úr þeim. Veiðihornið áskilur sér einnig rétt til að birta myndirnar í tímariti Veiðihornsins næsta vor, „Veiði 2020“, eða í auglýsingum fyrir fyrirtækið.
Myndaraðir sem segja skemmtilega sögu eru einnig spennandi kostur en þá þarf að greina frá atburðum.
Myndir má senda inn á netfangið: eggertskula@mbl.is
Eins og fyrr segir er skilafrestur til 10. október og þá er bara um að gera að fara að kíkja á símann og velja úr skemmtilegar eða flottar myndir. Jafnvel hvort tveggja.
Sage X-stöngin sem er í verðlaun er ein af nýjustu afurðum Sage-stangaframleiðandans. Stöngin býr í senn yfir miklu afli og mýkt. Hún er kjörin til nákvæmra kasta og gerir hvern veiðimann að betri kastara. Svo vinnur hún vel í fiski.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |