Átjándi „hundraðkallinn“ í Nesi

Aðalsteinn Jóhannsson með hænginn vígalega sem mældist 101 sentímetri. Þetta …
Aðalsteinn Jóhannsson með hænginn vígalega sem mældist 101 sentímetri. Þetta er átjándi fiskurinn í sumar á Nessvæðinu sem fellur í þennan flokk. Ljósmynd/Aðsend

Hann breytist hratt listinn yfir hundrað plús sentímetra laxana þessa dagana. Átjándi laxinn sem nær þeirri stærð veiddist í Nesi í Aðaldal í morgun. Sá mældist 101 sentímetri og 52 sentímetrar í ummál. 

Aðalsteinn Jóhannsson setti í laxinn á Hólmavaðsstíflu og landaði honum eftir 45 mínútna viðureign. Þetta er vígalegur hængur eins og myndin ber með sér. Flugan var Autumn Hooker sem er hönnuð af Nils Folmer og hefur hún fyrir löngu sannað sig sem stórlaxafluga. 

Leiðsögumaður Aðalsteins var hinn fimmtán ára gamli Hilmar Árnason og að sögn Aðalsteins var þetta annar laxinn sem hann gædar í. Hinn var litlir 108 sentímetrar veiddur fyrr í sumar.

Aðalsteinn hefur fengið fisk í þessum stærðarflokki árlega frá árinu 2015. „Þetta er búið að vera gott sumar; þessi 101 sentímetra lax og svo landaði ég 24 punda urriða í Ölfusvatnsárósi. Sáttur,“ sagði Aðalsteinn í samtali við Sporðaköst.

Hér að neðan má sjá lista yfir stórlaxana sem hafa náð hundrað sentímetrum í lengd og þaðan af stærri í sumar.

Á/Vatnasvæði       Fjöldi            Athugasemd

Nes í Aðaldal                   18             Stærsti lax sumarsins veiddur þar.

Laxá í Aðaldal                  10             Óstaðfest, en nærri lagi.

Víðidalsá                          8             103 sm í Silungabakka 18. sept

Miðfjarðará                      5             Sá síðasti veiddur 19.9.

Þverá/Kjarrá                    5              Stærsti 104 sm. Annars 1/4 skipting.

Selá                                 2             Báðir á Fossbreiðu.

Vatnsdalsá                       2              Úr Línufljóti og Þórhöllustaðahyl.

Grímsá                            2              Langþráð. Ekki gerst í tuttugu ár.

Eystri Rangá                    2              Gætu verið fleiri en ekki staðfest.

Stóra Laxá                       2             102 cm hængur veiddur 16.9.

Laxá á Ásum                    2              Einn í ágúst og annar í september.

Haukadalsá                      1              Þar veiddist 106 sentímetra lax.

Ytri Rangá                        1             Sá var 104 sentímetrar.

Mýrarkvísl                        1             Veiðin í sumar mun betri en í fyrra.

Hólsá                               1             Hér er átt við eystri bakka.

Ölfusá                              1             Mældist 105 sm.

Laxá í Leir.                       1              100 sm úr Miðfellsfljóti 6. sept.

Jökla                               1             102 sm í byrjun ágúst.

Húseyjarkvísl                   1             102 sm 13. ágúst í Réttarhyl.

Hítará                             1              105 sentímetra, veiddur 6. sept.

Hrútafjarðará                   1             102 sentímetrar. Bálkur í ágúst.

Listinn verður áfram uppfærður þegar tilefni verður til.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert