Nýtt og efnismikið Sportveiðiblað er komið út. Þar ber fyrst að nefna vel ígrundaða grein frá reynsluboltanum Bjarna Júlíussyni sem fer yfir sumarið. Bjarni kemst að þeirri niðurstöðu að sumarið 2019 hafi ekki bara verið lélegasta laxveiðisumar frá því að fræðimenn fóru að halda reglulega utan um þessi göng, heldur það lang lélegasta. Bjarni færir sannfærandi rök fyrir máli sínu og býr til forsendur sem eiga að kallast á við mælingar allt frá árinu 1974. Þegar hann er búinn „leiðrétta“ veiðitölurnar fyrir veiða/sleppa fær hann út að um tuttugu þúsund laxar veiddust úr laxagöngum í sumar. Grein Bjarna er allrar athygli verð.
Tveir viskubrunnar deila upplifun sinni í blaðinu, enn það eru þeir Hjalli í Hlað og Sigurður „Haugur.“
Tekið er hús á kvenna veiðiklúbbnum „Strekktar línur,“ saga af veiði í rússnesku ánni Ponoi er birt í máli og myndum. Þá kynnir Rasmus Ovesen fluguveiðar í Bosníu og Hersegóvínu, sem hann kallar demant Balkansvæðisins. Hann segir marga fluguveiðimenn þekkja til Slóveníu og Króatíu í þessu samhengi, en færri viti um leyndarmál áður nefndra landa.
Er hér aðeins búið að nefna brot af því efni sem annað tölublað 37. árgangs Sportveiðiblaðsins skartar.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |