Veiðimynd ársins 2019

„Þarna er allt undir. Háfurinn er í minna lagi og …
„Þarna er allt undir. Háfurinn er í minna lagi og ef þetta mistekst þá veiða þeir aldrei saman aftur,“ segir m.a. í umsögn dómnefndar um Veiðimynd ársins. Ljósmynd/Bjarni Bjarkason

Þriggja manna dómnefnd hefur valið bestu veiðimynd ársins. Myndasmiðurinn og þar með sigurvegari samkeppninnar er Bjarni Bjarkason. Hann sendi inn nokkurt magn af myndum og sú sem hér birtist hlaut flest atkvæði dómnefndar. 

Þetta er mynd sem hefur allt til að bera. Eins og Þorsteinn Joð, einn dómnefndarmanna orðaði það, „Þarna er allt undir. Háfurinn er í minna lagi og ef þetta mistekst þá veiða þeir aldrei saman aftur.“

Myndin sýnir augnablik þar sem Jeff Currier, einn þekktasti veiðimaður í heimi, er að slást við stórurriða í Þingvallavatni. Sá sem er á háfnum er Gunnar Örn Petersen hjá FishPartner. Stöngin er notuð til hins ýtrasta og þetta er augnablikið þegar allt er undir. Myndin segir ekki hvernig fór og hún er hlaðin spennu.

Golli ljósmyndari og Ólafur Vigfússon, hinir tveir dómnefndarmennirnir, voru sammála. Auðvitað komu fleiri myndir til greina og þetta var ekki auðvelt val. En úrslitaatriðið var spennan í myndinni. 

Takk allir fyrir þátttökuna og til hamingju Bjarni Bjarkason.

Verðlaunamyndin 2019. Tekist á við urriða í Þingvallavatni.
Verðlaunamyndin 2019. Tekist á við urriða í Þingvallavatni. Ljósmynd/Bjarni Bjarkason
mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira