Sporðaköst aftur í loftið

Þeir geta verið kaldir fyrstu veiðidagarnir í apríl. En þeir …
Þeir geta verið kaldir fyrstu veiðidagarnir í apríl. En þeir hörðustu láta það ekki á sig fá. Ljósmynd/ES

Sporðaköst mæta nú á nýjan leik á mbl.is eftir stormasaman vetrardvala. Þetta er þriðja árið sem Sporðaköst standa veiðivaktina fyrir veiðifólk. Nú eru aðeins tveir dagar í að sjóbirtingstímabilið í Skaftafellssýslum hefjist og ljóst að margir hugsa sér gott til glóðarinnar eftir þennan langa vetur. Markmiðið nú sem endranær er fjölbreytt og áhugaverð umfjöllum um veiði af öllum toga.

Veiðihornið í Síðumúla er bakhjarl umfjöllunarinnar, eins og fyrri árin. Án þeirrar aðkomu væri ekki hægt að halda úti svo viðamikilli umfjöllun.

Fyrstu veiðisvæðin sem opna 1. apríl eru meðal annars Tungufljót, Tungulækur, Eldvatn, Ytri-Rangá, Leirá, Varmá og Leirvogsá ásamt Litlu-á í Kelduhverfi, svo einhverjar séu nefndar.

Þó svo að síðustu dagar hafi verið kaldir og vorið láti lítið fyrir sér fara leynir sér þó ekki að það er stutt í það. Þúsundir gæsa flugu inn á Suðurlandið um helgina og fuglalíf fer ört vaxandi dag frá degi.

Útlitið varðandi vatnsbúskap fyrir helstu árnar er gott. Víða er mikill snjór til fjalla og erfitt að ímynda sér annað þurrkasumar. Í fyrra vantaði vatn og víða fisk, þegar kom að laxveiðinni. Nú horfir það til betri vegar en þá gæti orðið skortur á veiðimönnum í þeim ám sem stóla á erlenda veiðimenn.

Mikil óvissa er fram undan á næstu vikum vegna heimsfaraldursins af völdum Covid-19. Enn sem komið er búast þó helstu sérfræðingar í þessum fræðum við því að faraldurinn gangi hér yfir á nokkrum vikum. 

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
101 cm Vatnsdalsá Erlendur veiðimaður 29. september 29.9.
101 cm Eystri-Rangá Grzegorz Loszewski 27. september 27.9.
105 cm Hvítá við Iðu Katrín Tanja Davíðsdóttir 24. september 24.9.
101 cm Víðidalsá Jón Eðvald Halldórsson 22. september 22.9.
107 cm Grímsá Jón Jónsson 22. september 22.9.
101 cm Miðfjarðará Agnar Sigurjónsson 22. september 22.9.
101 cm Hvítá við Iðu Gunnar Pétursson 20. september 20.9.

Skoða meira

Fleira áhugavert
Fleira áhugavert