Á tímum kórónuveirunnar er að mörgu að huga. Allir veiðimenn sem koma í veiðihús eða á veiðisvæði vilja fletta veiðibók fyrir síðustu daga. Þetta er sá hlutur sem allir veiðimenn vilja handfjatla.
Erlendur Steinar Friðriksson eða Elli Steinar eins og hann er jafnan kallaður rekur Veiðitorgið. Þar er að finna 31 rafræna veiðibók sem veiðimenn geta með innskráningu nálgast upplýsingar og skráð veiði. „Ég er alveg stressaður yfir þessari veiru og eitt af því sem ég vil benda mönnum á er að forðast að vera með pappírsbækur. Það er ómögulegt að ætla að sótthreinsa þær og því er skynsamlegt við þessar aðstæður að horfa til rafrænna skráninga,“ sagði Elli Steinar í samtali við Sporðaköst.
Hann hefur gengið lengra og býður veiðifélögum ókeypis aðgang þetta árið á veiðitorg.is og þar með að setja upp rafræna veiðibók.
„Þetta býður líka upp á svo miklu meiri upplýsingar. Menn geta flokkað veiðina eftir stærð, veiðistöðum og dagsetningum. Svo tryggir rafræn veiðibók öruggari skráningu. Hafi veiðimaður gleymt að skrá er hægt að hafa samband við viðkomandi og benda honum á þetta.“
Elli Steinar er sannfærður um að rafrænum veiðibókum eigi eftir að fjölga núna, bæði í ljósi aðstæðna og einnig vegna þess hagræðis sem slík skráning hefur í för með sér fyrir veiðimenn og leigutaka.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |