Sprenging í sölu á Veiðikortinu

Veiðimenn mættu 1. apríl í Vífilsstaðavatn. Það er eitt af …
Veiðimenn mættu 1. apríl í Vífilsstaðavatn. Það er eitt af 34 vatnasvæðum sem Veiðikortið veitir aðgang að. Ljósmynd/Veiðikortið

Sala á Veiðikortinu hefur aukist til muna nú í vor. Ingimundur Bergsson eigandi Veiðikortsins segir ljóst að Íslendingar ætli sér að ferðast innanlands í sumar og þá kemur Veiðikortið sterkt inn. 

„Stærstu árin okkar til þessa hafa verið árin eftir bankahrun, 2009 og 2010, þegar aukning varð á ferðalögum innanlands. Við erum að sjá þessa sömu þróun núna og þetta kemur vel fram í vefsölunni okkar,“ sagði Ingimundur í samtali við Sporðaköst.

Veiðikortið veitir aðgang að 34 veiðisvæðum um allt land og þar á meðal í þjóðgarðinum í Þingavallavatni en veiði þar hefst næstkomandi mánudag eða 20. apríl. Vatnið er enn ísi lagt að stærstum hluta en það getur breyst hratt ef hlýnar í veðri.

Eiður Kristjánsson með son sinn, ungan og upprennandi veiðimann. Stangaveiði …
Eiður Kristjánsson með son sinn, ungan og upprennandi veiðimann. Stangaveiði er fjölskyldusport. Ljósmynd/Veiðikortið

Veiði í Kleifarvatni byrjaði formlega í dag en vatnið er nánast óveiðandi sökum íss.

Elliðavatn opnar svo á sumardaginn fyrsta og viðbúið að marga sé farið að klæja í fingurna að komast þangað.

Annars má sjá opnunartíma veiðisvæðanna inni á heimasíðu Veiðikortsins, veidikortid.is. Sum vötn má byrja að veiða þegar ísa leysir önnur 1. apríl og 1. maí og einhver eru opin allt árið.

Veiðikortið kostar 7.900 krónur og gildir hvert kort fyrir einn veiðimann. Bæklingur fylgir kortinu og er þar að finna umfjöllun um veiðisvæðin og leiðbeiningar.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira