Norðurá í sínu gamla góða formi

Hilmar Hansson með 72 sentimetra lax úr Norðurá í morgun. …
Hilmar Hansson með 72 sentimetra lax úr Norðurá í morgun. Þessi tók fluguna Valgerði á Réttarhylsbroti. Ljósmynd/Aðsend

Norðuráin er í flottu standi segja veiðimenn sem eru þar við veiðar núna. Fiskur er á lykilstöðum og hann er afar vel haldinn. Segja má að Norðurá sé í eðlilegu standi eins og veiðimenn þekkja hana. Ástandið núna er eins og svart og hvítt miðað við hörmungarsumarið í fyrra.

Haugurinn, Sigurður Héðinn og Hilmar Hansson eru við veiðar í Norðurá núna og búnir að landa fjórum löxum og missa fimm. „Við misstum sólarhring úr, þar sem hún fór í kakó en þetta lítur vel út. Maður tekur sérstaklega eftir því hvað laxinn er vel haldinn. Hilli fékk í gær 87 sentimetra hæng og hann var bara alveg eins og Mike Tyson, með hnakkaspik og allt,“ sagði Haugurinn í samtali við Sporðaköst í morgun.

Þeir félagar voru nýbúnir að landa 72 sentimetra hrygnu á Réttarhylsbroti og tók sá lax fluguna Valgerði sem Hilmar Hansson hannaði sjálfur.

Einar Sigfússon rekstraraðili Norðurár telur að heildartalan nú sé að nálgast um áttatíu laxa. „Ég er mjög sáttur með ganginn þetta vorið. Mér sýnist vera að koma meira af stórlaxi en maður þorði að vona. Svo er núna stækkandi straumur og nær hann hápunkti 23. - 24. júní og á þessum tíma er smálaxinn að skila sér.“

Eystri Rangá opnar á morgun og verður spennandi að sjá hvað þar er að gerast.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
104 cm Svalbarðsá Viggó Júlíusson 6. júlí 6.7.
104 cm Nesveiðar Hugo 29. júní 29.6.
104 cm Nesveiðar Aron Pálmarsson 27. júní 27.6.
107 cm Nesveiðar Hilmar Hafsteinsson 25. júní 25.6.
101,5 cm Laxá í Kjós Guðjón Þ. Guðjónsson 23. júní 23.6.
101 cm Blanda Pétur Pálsson 21. júní 21.6.
101 cm Víðidalsá James Murray 20. júní 20.6.

Skoða meira